Zatù 6:36-39

³⁶Migkaǥi si Gideon diyà te Megbevayà te, “Migkaǥi ka he egemiten a kenikew te kedlibri te menge Israilihanen.

³⁷Guntaan edsavuk a te vulvul te kerehidu ziyà te tanà he gunasè dey te trigu. Emun egkahames heini te zehemug, piru memaza is tanà diyà te peliǥuy kayi, ebpesavut he iyan a iyan egemiten nu he edlibri te menge Israilihanen sumalà te nekaǥi nu.”

³⁸Ne iyan haazà nehitavù. Su zutun te sunud he andew, midsayu med-enew si Gideon ne migkuwa zin sikan is bulvul te kerehidu ne migkeres din haazà, ne senge yehung is wahig he midtiǥis.

³⁹Ne migkaǥi si Gideon diyà te Megbevayà te, “Kenà a kenikew mepeuki su zuen pa sevaha he edhengyuen ku kenikew. Egkesuatan ku he memezahi heini is bulvul te kerehidu ne mebmahames is tanà diyà te peliǥuy zin.”