Zaburi 9:4-15

⁴Kwa kuwa umenitetea kwa haki; unakaa kwenye kiti chako cha enzi, ukihukumu kwa haki!

⁵Uliwakemea mataifa; umewaharibu waovu; na kuwa futilia mbali jina lao milele na milele.

⁶Maadui wamebomoka kama magofu ulipo pindua miji yao. Kumbukumbu yao yote imepotea.

⁷Bali Yahweh anadumu milele; ameweka kiti chake cha enzi kwa ajili ya haki.

⁸Naye atauhukumu ulimwengu kwa haki, na atatekeleza hukumu kwa ajili ya mataifa kwa haki.

⁹Yahweh pia atakuwa ngome kwake aliye onewa, na ngome wakati wa shida.

¹⁰Wale wakujuao jina lako wanaamini katika Wewe, kwa ajili yako, Yahweh, usiwaache wale wakutafutao.

¹¹Mwibieni sifa Yahweh, anaye tawala katika Sayuni; waambieni mataifa yale aliyo yatenda.

¹²Kwa kuwa Mungu alipizae kisasi cha damu hukumbuka; naye hasahau kilio cha anayeonewa.

¹³Unihurumie, Yahweh; tazama vile ninavyo onewa na wale wanao nichukia, wewe ambaye unaweza kunikwapua katika lango la kifo.

¹⁴Oh, ili niweze kutangaza sifa zako. Katika lango la binti sayuni nitaufurahia wokovu wako!

¹⁵Mataifa yamedidimia chini katika shimo ambalo walilolitengeneza; miguu yao imenaswa kwenye nyavu walioificha wenyewe.