Zaburi 91:5-14

⁵Nawe hautaogopeshwa na vitisho wakati wa usiku, wala mishale ipaayo kwa siku,

⁶wala pigo lizungukalo gizani, wala ugonjwa ujao wakati wa mchana.

⁷Maelfu waweza kuangukia upande wako na makumi elfu mkono wako wa kuume, lakini uovu hauwezi kukupata.

⁸Wewe utatazama tu na kuona hukumu ya waovu.

⁹Kwa kuwa Yahwe ni kimbilio langu! Umfanye Aliye Juu kuwa kimbilio lako pia.

¹⁰Hakuna uovu utakao kushinda wewe; mateso hayatakuja karibu na nyumba yako.

¹¹Maana yeye atawaelekeza malaika moja kwa moja kukulinda wewe, na kukuwekea ulinzi katika njia zako zote.

¹²Nao watakuinua juu kwa mikono yao ili usiweze kujigonga mguu wako kwenye jiwe.

¹³Utawaangamiza simba na nyoka chini ya miguu yako; utawakanyaga wana-simba na nyoka.

¹⁴Kwa sababu amejitoa kwangu, nitamuokoa. Nitamlinda kwa sababu yeye ni mwaminifu kwangu.