Zaburi 89:35-48

³⁵Mara moja na kwa yote, nimeapa kwa utakatifu wangu sitamdanganya Daudi:

³⁶uzao wake utaendelea milele na kiti chake cha enzi kama vile jua mbele yangu.

³⁷Kitaimarishwa milele kama mwezi, shahidi mwaminifu mawinguni.” Selah

³⁸Lakini wewe umemtupa na kumkataa; umemkasirikia mfalme mpakwa mafuta wako.

³⁹Wewe umelikataa agano la mtumishi wako. Umeinajisi taji yake ardhini.

⁴⁰Umevunja kuta zake zote. Umeharibu ngome yake.

⁴¹Wapita njia wote wamemuibia, amekuwa kitu chenye kinyaa kwa majirani zake.

⁴²Umeinua mkono wa kuume wa adui zake; umewafurahisha adui zake wote.

⁴³Umeyageuza makali ya upanga wake. Na hukumfanya asimame awapo vitani.

⁴⁴Umeimaliza fahari yake; umekitupa ardhini kiti chake cha enzi.

⁴⁵Umefupisha siku za ujana wake. Umemfunika kwa aibu. Selah

⁴⁶Mpaka lini, Yahwe? utajificha, milele? Mpaka lini hasira yako itawaka kama moto?

⁴⁷Oh, fikiria jinsi muda wangu ulivyo mfupi, na ni kwa ajili gani umewaumba wana wote wa wanadamu wasio na manufaa!

⁴⁸Ni nani aweza kuishi na asife, au atakaye iokoa nafsi yake dhidi ya mkono wa kuzimu? Selah