Zaburi 88:7-17

⁷Gadhabu yako yanielemea, na mawimbi yako yote yanatua juu yangu. Selah

⁸Kwa sababu yako, wale wanijuao wote hunikwepa. Umenifanya wakutisha machoni pao. Nimefungwa na siwezi kutoroka.

⁹Macho yangu yamefifia kutokana na shida; kila siku nakuita wewe, Yahwe; ninakunyoshea wewe mikono yangu.

¹⁰Je! utafanya miujiza kwa ajili ya wafu? Wale waliokufa watafufuka na kukusifu wewe? Selah

¹¹Uaminifu wa agano lako utatangazwa kaburini? au uaminifu wako mahali pa wafu?

¹²Matendo yako ya ajabu yatajulikana gizani? au haki yako katika mahali pa usahaulifu?

¹³Lakini ninakulilia wewe, Yahwe; wakati wa asubuhi maombi yangu huja kwako.

¹⁴Yahwe, kwa nini unanikataa? Kwa nini unauficha uso wako mbali nami?

¹⁵Nimekuwa nikiteswa kila siku na hatihati ya kifo tangu ujana wangu. Nimeteseka dhidi ya hofu yako kuu; ninakata tamaa.

¹⁶Matendo yako ya hasira yamepita juu yangu, na matendo yako ya kutisha yameniangamiza.

¹⁷Siku zote yananizingira mimi kama maji; yote yamenizunguka mimi.