Zaburi 86:3-12

³Unihurumie, Bwana, maana ninakulilia wewe mchana kutwa.

⁴Umfurahishe mtumishi wako, maana ni kwako, Bwana, ninaomba.

⁵Wewe, Bwana, ni mwema, na uko tayari kusamehe, na huonesha huruma kubwa kwa wale wanao kulilia wewe.

⁶Yahwe, sikiliza maombi yangu; sikia sauti ya ombi langu.

⁷Katika siku ya shida ninakuita wewe, kwa maana utanijibu.

⁸Katikati ya miungu hakuna wa kufananishwa na wewe, Bwana. Hakuna matendo kama matendo yako.

⁹Mataifa yote ambayo umeyafanya yatakuja kwako na kusujudu mbele zako, Bwana. nao wataliheshimu jina lako.

¹⁰Kwa kuwa wewe ni mkuu na utendaye mambo ya ajabu; wewe pekee ndiwe Mungu.

¹¹Unifundishe njia zako, Yahwe. Kisha nitatembea katika kweli yako. Unifanye kukuheshimu wewe.

¹²Bwana Mungu wangu, nitakusifu kwa moyo wangu wote; nitalitukuza jina lako milele.