Zaburi 76:1-12

¹Mungu amefanya mwenyewe kujulikana katika Yuda; jina lake ni kuu katika Israeli.

²Hema yake iko salemu; makao yake yako yako Sayuni.

³Huko ndiko alivunja mishale ya upinde, ngao, upanga, na silaha zingine za vita. Selah

⁴Wewe unang'aa sana na huufunua utukufu wako, ushukapo kutoka milimani, ambako uliwauwa mateka.

⁵Wenye moyo shujaa walitekwa nyara; walilala mauti. Mashujaa wote walikuwa wanyonge.

⁶Kwa kukemea kwako, ewe Mungu wa Yakobo, wote gari na farasi walilala mauti.

⁷Wewe, ndiyo wewe, ni wa kuogopwa; ni nani awezaye kusimama mbele yako wakati ukiwa na hasira?

⁸Kutoka mbinguni wewe uliifanya hukumu yako isikike; nchi iliogopa na ikaa kimya

⁹wakati wewe, Mungu, ulipoinuka kutekeleza hukumu na kuwaokoa wote wa nchi walio onewa. Selah

¹⁰Hakika hukumu ya hasira yako dhidi ya binadamu itakuletea wewe sifa; wewe hujifunga mwenyewe hasira yako iliyo baki.

¹¹Wekeni nadhiri kwa Yahwe Mungu wenu na kuzihifadhi. Nao wote wamzungukao yeye mleteeni zawadi yeye ambaye ni wa kuogopwa.

¹²Yeye huzikata roho za wakuu; huogopwa na wafalme wa nchi.