Zaburi 72:2-17

²Naye awaamue watu wako kwa haki na maskini wako kwa haki sawa.

³Milima iwazalie watu amani; vilima navyo vizae haki.

⁴Naye awahukumu watu maskini; awaokoe watoto wa wahitaji na kuwavunja vipande vipande wenye kuwatesa.

⁵Na wakuheshimu wewe wakati wa jua, na kwa kipindi cha kudumu kwa mwezi katika vizazi vyote.

⁶Naye apate kuja kama mvua juu ya nyasi zilizokatwa, kama manyuyu yanyunyizayo nchi.

⁷Mwenye haki na astawi kwa wakati wake, na amani iwepo kwa wingi mpaka mwezi utakapotoweka.

⁸Na awe na mamlaka toka bahari na bahari, na kutoka Mto hadi miisho ya dunia.

⁹Na wote waishio jangwani wainame mbele zake; adui zake na walambe mavumbi.

¹⁰Wafalme wa Tashishi na visiwa walete kodi; wafalme wa Sheba na Seba watoe zawadi.

¹¹Hakika wafalme wote wamwinamie yeye; mataifa yote yamtumikie yeye.

¹²Kwa kuwa yeye humsaidia mhitaji na maskini asiye na msaidizi.

¹³Yeye huwahurumia maskini na wahitaji, na huokoa maisha ya wahitaji.

¹⁴Huyaokoa maisha yao dhidi ya mateso na vurugu, na damu yao ni ya thamani machoni pake.

¹⁵Naye apate kuishi! Na dhahabu za Sheba apewe yeye. Watu wamuombee yeye siku zote; Mungu ambariki daima.

¹⁶Kuwepo na nafaka nyingi katika ardhi; juu ya milima kuwe na mawimbi ya mimea. Matunda yake yawe kama Lebanoni; watu wasitawi katika miji kama nyansi za kondeni.

¹⁷Jina lake lidumu milele; jina lake ilindelee kama vile jua ling'aavyo; watu wabarikiwe katika yeye; mataifa yote wamwite mbarikiwa.