Zaburi 71:5-18

⁵Maana wewe ni tumaini langu, Bwana Yahwe. Nimekuamini wewe siku zote tangu nilipokuwa mtoto.

⁶Nimekuwa nikisaidiwa na wewe tangu tumboni; wewe ndiye yule uliyenitoa tumboni mwa mama yangu; sifa zangu zitakuhusu wewe siku zote.

⁷Mimi ni mfano bora kwa watu wangu; wewe ni kimbilio langu lenye nguvu.

⁸Mama yangu atajawa na sifa zako, siku zote akikuheshimu.

⁹Usinitupe katika siku za miaka ya uzee wangu; usiniache wakati nguvu zangu zitakapoisha.

¹⁰Maana adui zangu wanazungumza kuhusu mimi; wale wanao fatilia uhai wangu wanapanga njama pamoja.

¹¹Wao husema, “Mungu amemuacha; mfuateni na mumchukue, maana hakuna yeyote awezaye kumuokoa yeye.”

¹²Mungu, usiwe mbali nami; Mungu wangu, harakisha kunisaidia mimi.

¹³Waaibishwe na kuharibiwa, wale walio adui wa uhai wangu; wavishwe laumu na kudharauliwa, wale watafutao kuniumiza.

¹⁴Lakini nitakutumainia wewe siku zote na nitakusifu wewe zaidi na zaidi.

¹⁵Kinywa changu kitaongea kuhusu haki yako na wokovu wako mchana kutwa, ingawa ziwezi kuzielewa maana ni nyingi mno.

¹⁶Nitakuja na matendo yenye nguvu ya Bwana Yahwe; nitataja haki yako, yako pekee.

¹⁷Mungu, tangu ujana wangu wewe umenifundisha; hata sasa ninatangaza matendo yako ya ajabu.

¹⁸Hakika, hata niwapo mzee na mvi kichwani, Mungu, usiniache mimi, kama ambavyo nimekuwa nikitanga nguvu yako kwa vizazi vijavyo, na uweza wako kwa yeyote ajaye.