Zaburi 70:1-5

¹Uniokoe, Mungu! Yahwe, njoo haraka na unisaidie mimi.

²Wale wajaribuo kuchukua uhai wangu waaibishwe na kufedheheshwa; warudishwe nyuma na wasiheshimiwe, wale wafurahiao katika maumivu yangu.

³Warudishwe nyuma kwa sababu ya aibu yao, wale wasemao, “Aha, aha.”

⁴Wale wakutafutao wafurahi na kushangilia katika wewe; wale waupendao wokovu wako siku zote waseme, “Mungu asifiwe.”

⁵Lakini mimi ni maskini na muhitaji; harakisha kwangu, Mungu; wewe ni msaada wangu nawe huniokoa mimi. Yahwe, usichelewe.