Zaburi 69:6-36

⁶Usiwaache wale wanao kungoja wewe waaibishwe kwa sababu yangu, Bwana Yahwe wa majeshi; usiwaache wale wanaokutafuta wewe wadharauliwe kwa sababu yangu, Mungu wa Israeli.

⁷Kwa ajili yako nimestahimili lawama; aibu imeufunika uso wangu.

⁸Nimekuwa mgeni kwa ndugu zangu, nisiye fahamika wala kuaminika kwa watoto wa mama yangu.

⁹Kwa maana bidii ya nyumba yako imenila, na laumu zao wanao kulaumu wewe zimeniangukia mimi.

¹⁰Wakati nilipolia na kutokula chakula, walinitukana.

¹¹Nilipoteneneza mavazi ya gunia, nikawa kituko kwao.

¹²Wale wakaao katika lango la mji huniseng'enya; mimi ni wimbo wa walevi.

¹³Lakini kwangu mimi, maombi yangu ni kwako, Yahwe, wakati ambao wewe utayapokea; unijibu katika uaminifu wa wokovu wako.

¹⁴Unitoe matopeni, na usiniache nizame; uniondoe mbali na wale wanaonichukia na uniokoe katika kina cha maji.

¹⁵Usiache mafuliko ya maji yanielemee, wala kina kisinimeze. Usiache mdomo wa shimo unimeze.

¹⁶Unijibu, Yahwe, maana uaminifu wa agano lako ni mwema; kwa maana rehema zako kwangu ni nyingi, unigeukie.

¹⁷Usiufiche uso wako mbali na mtumishi wako, maana niko katika dhiki; unijibu haraka.

¹⁸Uje kwangu na unikomboe. Kwa sababu ya adui zangu, uwe fidia yangu.

¹⁹Wewe wajua kulaumiwa kwangu, kuaibishwa kwangu, na kudharauliwa kwangu; wapinzani wangu wote wako mbele yako.

²⁰Lawama imevunja moyo wangu; nimejawa na huzuni kubwa; nilitafuta mtu wa kunihurumia, lakini hakuwepo; nilitafuta wafariji, lakini sikupata.

²¹Walinipa sumu kwa ajili ya chakula changu; katika kiu yangu walinipa siki ninywe.

²²Meza yao mbele yao na iwe mtego; wafikiripo wako kwenye usalama, iwe kitanzi.

²³Macho yao na yatiwe giza ili kwamba wasiweze kuona; uvifanye viuno vyao kutetemeka daima.

²⁴Wamwagie gadhabu yako, ukali wa hasira yako uwafikie wao.

²⁵Sehemu yao na iwe ukiwa; mtu yeyote asiishi katika hema yao.

²⁶Kwa kuwa walimtesa yule uliyempa adhabu. Mara kwa mara walihesabu maumivu ya wale walioumizwa.

²⁷Wakiwashtaki kuwa wamefanya uovu juu ya uovu; usiwaache waje kwenye ushindi wa haki yako.

²⁸Uwafute kwenye Kitabu cha Uzima na wasiandikwe pamoja na wenyehaki.

²⁹Lakini mimi ni maskini na mwenye huzuni; uruhusu wokovu wako, Mungu, uniweke juu sana.

³⁰Nitalisifu jina la Mungu kwa wimbo na nitamtukuza yeye kwa shukrani.

³¹Nitamsifu Yahwe zaidi kuliko ng'ombe au ndama aliye na mapembe na kwato.

³²Wanyenyekevu wameona na kufurahi; ninyi mnao matafuta Mungu, mioyo yenu itiwe nguvu.

³³Maana Yahwe husikia wenye uhitaji naye hawadharau wafungwa wake.

³⁴Mbingu na nchi zimsifu yeye, bahari na vyote vitembeavyo majini.

³⁵Kwa maana Mungu ataiokoa Sayuni na ataujenga tena mji wa Yuda; watu wataishi huko na kupata umiliki wao.

³⁶Ukoo wa watumishi wake watairithi; nao walipendao jina lake wataishi humo.