Zaburi 66:4-18

⁴Nchi yote watakuabudu wewe na watakuimbia wewe; wataliimbia jina lako.” Selah

⁵Njoni na mtazame kazi za Mungu; yeye anatisha katika matendo yake awatendeayo wanadamu.

⁶Aligeuza bahari kuwa nchi kavu; wao walitembea kwa mguu juu ya mto; huko tulishangilia katika yeye.

⁷Yeye anatawala milele kwa nguvu zake; macho yake yanachunguza mataifa; waasi wasijivune. Selah

⁸Mtukuzeni Mungu, enyi watu wa mataifa yote, sauti ya sifa zake isikike.

⁹Yeye atuwekaye hai, naye hairuhusu miguu yetu iteleze.

¹⁰Kwa maana wewe, Mungu, umetupima sisi, wewe umetupima kama inavyopimwa fedha.

¹¹Wewe ulituingiza sisi kwenye wavu; uliweka mzigo mzito viunoni mwetu.

¹²Wewe uliwafanya watu wasafiri juu ya vichwa vyetu; tulipita motoni na majini, lakini ukatuleta mahali pa wazi palipo salama.

¹³Nitaingia nyumbani mwako nikiwa na sadaka ya kuteketezwa; nitakulipa viapo vyangu

¹⁴ambavyo midomo yangu iliahidi na kinywa changu kiliongea nilipokuwa katika dhiki.

¹⁵Nitakutolea sadaka ya kuteketezwa ya wanyama wanene pamoja na harufu nzuri ya kondoo waume; Nitatoa ng'ombe na mbuzi. Selah

¹⁶Njoni, msikie, ninyi nyote mnao mwabudu Mungu, nami nitatangaza yale yeye aliyoitendea roho yangu.

¹⁷Nilimlilia kwa kinywa changu, naye alipendezwa na ulimi wangu.

¹⁸Kama ningelikuwa na dhambi ndani ya moyo wangu, Bwana asingenisikiliza.