Zaburi 50:1-22

¹Mungu, Mwenye nguvu, Yahwe, amenena naye aliita nchi toka mawio ya jua mpaka machweo yake.

²Tokea Sayuni, Mungu ameangaza, ukamilifu wa uzuri.

³Mungu wetu huja naye hakai kimya; mbele yake moto hula, na kuna dhoruba kubwa karibu naye.

⁴Yeye huziita mbingu zilizo juu na nchi ili kwamba aweze kuwahukumu watu wake:

⁵Kwa pamoja kusanyikeni waaminifu wangu kwangu, wale waliofanya nami agano kwa sadaka.”

⁶Mbingu zitatangaza haki yake, kwa maana Mungu mwenyewe ndiye jaji. Serah

⁷Sikilizeni, watu wangu, nami nitazungumza; mimi ni Mungu, Mungu wenu.

⁸Sitawakaripia ninyi kwa ajili ya sadaka zenu; sadaka zenu za kuteketeza ziko nami siku zote.

⁹Sitachukua ng'ombe katika nyumba yenu, wala beberu katika mazizi yenu.

¹⁰Kwa maana kila mnyama wa msituni ni wangu, nao ng'ombe kwenye milima elfu ni wangu.

¹¹Ninawajua ndege wa mlimani, na wanyama pori katika shamba ni wangu.

¹²Kama ningekuwa na njaa, nisingewaambia ninyi; maana ulimwengu ni wangu, na vyote vilivyomo.

¹³Je! sitakula nyama ya ngombe na kunywa damu ya mbuzi?

¹⁴Mtoleeni Mungu sadaka za shukurani, na mlipe viapo vyenu kwa Aliye Juu.

¹⁵Mniite katika siku ya shida; nami nitawaokoa

¹⁶Lakini kwa waovu Mungu anasema, “Inawahusu nini kuitangaza hali yangu, kwamba ninyi mmeliweka agano langu mdomoni mwenu,

¹⁷wakati ninyi mnayachukia maelekezo na mnayatupa maneno yangu?

¹⁸Mumuanapo mwizi, ninyi hukubaliana naye; ninyi na mnashirikiana na wale wafanyao uasherati.

¹⁹Mwautoa mdomo wenu kwa mabaya, huelezea udanganyifu.

²⁰Mnakaa na kuongea dhidi ya ndugu yenu; na kukashfu mwana wa mama yenu.

²¹Mmefanya mambo haya, lakini nimekaa kimya, hivyo mlidhani kuwa ni mtu flani nilliye kama ninyi mlivyo. Lakini nitawakaripia ninyi na kuwafunua, mbele ya macho yenu, mambo yote miliyofanya.

²²Mlitilie maanani hili, ninyi mnao msahau Mungu, vinginevyo nitawakata ninyi vipande vipande, na hatakuwepo yeyote wakuja kuwasaidia!