Zaburi 44:9-25

⁹Lakini sasa umetutupa na kutufedhehesha, na hauendi na majeshi yetu.

¹⁰Umetufanya kuwakimbia maadui zetu; na wale watuchukiao huchukua vitu vyetu vya thamani kwa ajili yao wenyewe.

¹¹Umetufanya kama kondoo aliyeandaliwa kwa ajili ya chakula na umetutawanya kati ya mataifa.

¹²Wewe unawauza watu wako bure; kwa kufanya hivyo haukupata faida.

¹³Wewe umetufanya kukemewa na majirani zetu, kuchekwa, na kudhihakiwa na wale wanao tuzunguka.

¹⁴Umetufaya kituko kati ya mataifa,...

¹⁵Siku zote fedheha yangu iko mbele yangu, na aibu ya uso wangu imenifunika

¹⁶kwa sababu ya sauti yake iliyo kemea na kutukana, kwa sababu ya adui na kisasi.

¹⁷Yote haya yametupata sisi; bado hatukukusahau wewe wala kulikosea agano lako.

¹⁸Mioyo yetu haikukengeuka; hatua zetu hazikuiacha njia yako.

¹⁹Bali wewe umetuadhibu vikali katika mahali pa mbweha na kutufunika na uvuli wa mauti.

²⁰Ikiwa tumelisahau jina la Mungu wetu au kueneza mikono yetu kwa Mungu mgeni,

²¹Mungu asingeligundua hili? Kwa maana yeye anazijua siri za moyo.

²²Hakika, kwa ajili ya jina lako tutauawa siku zote; tunahesabiwa kuwa kondoo kwa ajili ya kuchinjwa.

²³Bwana, amka, kwa nini unalala? Inuka, usitutupe moja kwa moja.

²⁴Kwa nini unaficha uso wako na kusahau mateso yetu na kukandamizwa kwetu?

²⁵Kwa maana tumeyeyushwa kwenye mavumbi; miili yetu imeshikamana na ardhi.