Zaburi 44:2-17

²Uliwafukuza mataifa kwa mkono wako, lakini ukawafanya watu wetu kuishi humo; wewe uliwataabisha mataifa, lakini ukawaeneza watu wetu katika nchi.

³Kwa maana hawakupata umiliki wa nchi kwa upanga wao, wala mkono wao wenyewe haukuwaokoa; bali mkono wako wakuume, mkono wako, na nuru ya uso wako, na kwa sababu uliwaridhia.

⁴Mungu, wewe ni Mfalme wangu, amuru ushindi kwa ajili ya Yakobo.

⁵Kwa uweza wako tutawaangusha chini maadui zetu; kwa jina lako tutatembea juu yao, wale wanao inuka dhidi yetu.

⁶Kwa maana sitauamini upinde wangu, wala upanga wangu hautaniokoa.

⁷Bali wewe ndeye uliyetuokoa na adui zetu, na umewaaibisha wale watuchukiao.

⁸Katika Mungu tumefanywa kujivuna siku zote, nasi tutalishukuru jina lako milele. Selah

⁹Lakini sasa umetutupa na kutufedhehesha, na hauendi na majeshi yetu.

¹⁰Umetufanya kuwakimbia maadui zetu; na wale watuchukiao huchukua vitu vyetu vya thamani kwa ajili yao wenyewe.

¹¹Umetufanya kama kondoo aliyeandaliwa kwa ajili ya chakula na umetutawanya kati ya mataifa.

¹²Wewe unawauza watu wako bure; kwa kufanya hivyo haukupata faida.

¹³Wewe umetufanya kukemewa na majirani zetu, kuchekwa, na kudhihakiwa na wale wanao tuzunguka.

¹⁴Umetufaya kituko kati ya mataifa,...

¹⁵Siku zote fedheha yangu iko mbele yangu, na aibu ya uso wangu imenifunika

¹⁶kwa sababu ya sauti yake iliyo kemea na kutukana, kwa sababu ya adui na kisasi.

¹⁷Yote haya yametupata sisi; bado hatukukusahau wewe wala kulikosea agano lako.