Zaburi 35:16-28

¹⁶Kwa dharau kabisa walinidhihaki; walinisagia meno yao.

¹⁷Bwana, mpaka lini utaendelea kutazama? uiokoe roho yangu na mashambulizi yao ya maagamizi uyaokoe maisha yangu na simba.

¹⁸Nami nitakushukuru wewe katika kusanyiko kubwa; nitakusifu kati ya watu wengi.

¹⁹Usiwaache maadui zangu wadanganyifu kufurahi juu yangu; usiwaache waendelee na mipango yao ya uovu.

²⁰Kwa maana hawaongei amani, bali wanabuni maneno ya uongo kwa wale wanaoishi kwa amani katika ardhi yetu.

²¹Midomo yao inapaza sauti ikinishtaki; wakisema, Aha, Aha, macho yetu yameona.”

²²Yahwe wewe umeona, usikae kimya; Bwana, usiwe mbali nami.

²³Inuka mwenyewe na usimame kunitetea; Mungu wangu na Bwana wangu, unitetee.

²⁴Kwa sabababu ya haki yako, Yahwe Mungu wangu, unitetee; usiwaache wafurahi kwa ajili yangu.

²⁵Usiwaache waseme mioyoni mwao, “Aha, tumepata tulicho kihitaji.” Usiwaache waseme, tumemmeza.”

²⁶Uwaaibishe na kuwa fendhehesha wale wanaotaka kunidhuru. Wale wote wanao ni dhihaki wafunikwe kwa aibu na kudharauliwa.

²⁷Nao wote wanao tamani kudhihirishwa kwangu washangilie na wafurahi; siku zote waseme, “Usifiwe Yahwe, yeye ajifurahishaye katika mafanikio ya mtumishi wake.

²⁸Kisha nitatangaza matendo yako ya haki na kukusifu wewe wakati wote.