Zaburi 35:1-14

¹Yahwe, uwashughulikie wale wanao nishughulikia mimi; upigane nao wanao pigana nami.

²Uikamate ngao yako ndogo na ngao kubwa; inuka unisaidie.

³Uutumie mkuki wako na shoka lako la vita kwa wale wanao nifukuzia; uuambie moyo wangu, “Mimi ni wokovu wako.”

⁴Waaibishwe na kudharauliwa wale wanaoutafuta uhai wangu. Warudishwe nyuma na wafedheheshwe wanao panga kunidhuru.

⁵Wao wawe makapi mbele ya upepo, malaika wakiwafutilia mbali.

⁶Njia yao na iwe giza na utelezi, malaika wa Yahwe wakiwafukuzia.

⁷Wamenitegea mtego bila sababu; bila sababu wamechimba shimo kwa ajili ya uhai wangu.

⁸Uharibifu na uwapate wao kwa kushitukiza. Mtego ambao wameutega na uwanase wao. Na wadumbukie humo, ili kwamba waangamizwe.

⁹Bali mimi nitakuwa nafuraha ndani ya Yahwe na ndani ya wokovu wake.

¹⁰Mifupa yangu yote itasema, “Yahwe, ni nani kama wewe, uokoaye walio onewa mkononi mwa walio na nguvu kuwazidi wao na masikini na wahitaji mkononi mwa wale wanaojaribu kuwaibia?”

¹¹Mashahidi wa uongo wamesimama; wananishitakia uongo.

¹²Kwa ajili ya wema wananilipa mabaya. Nina huzuni nyingi.

¹³Lakini, walipokuwa akiugua, nilivaa magunia; nilifunga kwa ajili yao huku kichwa changu kikiinamia kifuani kwangu.

¹⁴Nilienenda katika huzuni kana kwamba walikuwa ni ndugu zangu; niliinama chini nikiomboleza kana kwamba ni kwa ajili ya mama yangu.