Zaburi 22:3-17

³Bado wewe ni mtakatifu; wewe umekaa kama mfalme pamoja na sifa za Israeli.

⁴Mababu zetu walikuamini wewe, na wewe uliwaokoa wao.

⁵Walikulilia wewe nao waka okolewa. Wao walikuamini wewe na hawakuvunjwa moyo.

⁶Bali mimi ni funza na sio mtu, nisiye faa kwa ubinadamu na hudharauliwa na watu.

⁷Wale wote wanionao hunisuta; hunidhihaki; hunitikisia vichwa vyao.

⁸Wao husema, “Yeye anamwamini Yahwe; mwache Yahwe amuokoe. Mwache amuokoe yeye, kwa kuwa yeye anampendeza sana Yeye.”

⁹Kwa kuwa wewe ulinileta kutoka tumboni; wewe ulinifanya nikuamini wewe wakati nikiwa nanyonya matiti ya mama yangu.

¹⁰Nimekwisha tupwa kwako wewe tokea tumboni; wewe ni Mungu wangu tangu nikiwa tumboni mwa mama yangu!

¹¹Usiwe mbali na mimi, kwa kuwa shida ikaribu; hayupo hata mmoja wa kusaidia.

¹²Maksai wengi wananizunguka mimi; maksai wenye nguvu ya Bashan wananizunguka mimi.

¹³Wao wanafungua midomo yao kwangu kama simba aungurumaye akirarua windo lake.

¹⁴Ninamwagwa nje kama maji, na mifupa yangu yote imeteguka. Moyo wangu ni kama nta; nao unayeyuka ndani ya sehemu zangu za ndani.

¹⁵Nguvu zangu zimekaushwa kama kipande cha ufinyanzi; ulimi wangu unanata juu ya mdomo wangu. Wewe umenilaza mimi katika vumbi la mauti.

¹⁶Kwa maana mbwa wamenizunguka; kundi la watu waovu limenizunguka; wamenitoboa mikono yangu na miguu yangu.

¹⁷Nami ninaweza kuihesabu mifupa yangu. Wao wananitazama na kunishangaa.