Zaburi 18:30-50

³⁰Kama kwa Mungu: njia yake ni kamilifu. Neno la Yahwe ni safi! Yeye ni ngao kwa yeyote anaye kimbilia katika yeye.

³¹Kwa kuwa nani ni Mungu ispokuwa Yahwe? Nani ndiye mwamba ispokuwa Mungu wetu?

³²Ni Mungu anitiaye nguvu ndani yangu kama vile mkanda, ambaye humweka mtu mwenye lawama katika njia yake.

³³Yeye hunifanya miguu yangu kuwa myepesi kama mbawala na kuniweka mahali pa juu!

³⁴Yeye hufunza viganja vyangu kwa ajili ya vita na mikono yangu kupiga upinde wa shaba.

³⁵Wewe umenipa mimi ngao ya wokovu. Mkono wako wa kuume umenisaidia, na neema yako imenifanya kuwa mkubwa.

³⁶Wewe umetengeneza nafasi pana kwa ajili ya miguu yangu ili miguu yangu isiteleze.

³⁷Ninawashawishi adui zangu na kuwakamata; nami sikurudi nyuma mpaka walipo haribiwa.

³⁸Niliwashambulia hata hawakuweza kuamka; nao wameangukia chini ya miguu yangu.

³⁹Kwa kuwa unanitia nguvu kama mshipi kwa ajili ya vita; wewe unawaweka chini yangu wale ambao wanainuka kinyume na mimi.

⁴⁰Wewe ulinipa visogo vya maadui zangu; niliwaagamiza wale walio nichukia.

⁴¹Wao waliita msaada lakini hakuna aliye wasaidia; walimuita Yahwe, lakini hakuwaitikia.

⁴²Niliwapiga wao katika vipande vidogo vidogo kama vile vumbi mbele ya upepo; niliwatupa nje kama udongo mtaani.

⁴³Wewe uliniokoa mimi kutoka katika migogoro ya watu. wewe umenifanya kichwa juu ya mataifa. Watu ambao sikuwahi kuwafahamu huntumikia.

⁴⁴Pindi tu waliposikia kuhusu mimi, wao walinitii; wageni walilazimishwa kunisujudu.

⁴⁵Wageni walitoka kwenye ngome yao wakitetemeka.

⁴⁶Yahwe anaishi; mwamba wangu usifiwe. Ainuliwe Mungu wa wokovu wangu.

⁴⁷Yeye ni Mungu ambaye hutelekeza visasi kwa ajili yangu, ambaye huwatiisha mataifa chini yangu.

⁴⁸Nimewekwa huru kutoka kwa adui zangu! wewe uliniinua juu ya wale walioinuka kunyume na mimi! Wewe uliniokoa kutoka kwa watu wenye vurugu.

⁴⁹Kwa hiyo nitakushukuru wewe, Yahwe, kati ya mataifa; Nitaliimbia sifa jina lako!

⁵⁰Mungu hutoa ushindi mkuu kwa mfalme wake, na yeye huonyesha uaminifu wa agano lake kwa mpakwa mafuta wake, kwa Daudi na ukoo wake milele.