Zaburi 140:7-13

⁷Ee Yahwe, Bwana wangu, wewe ni mwenye nguvu uwezaye kuniokoa; hunifunika ngao kichwa changu siku ya vita.

⁸Ee Yahwe, usiyatimize matakwa ya waovu; usiruhusu njama zao kufanikiwa. Selah

⁹Wale wanao nizunguka huinua vichwa vyao; madhara ya midomo yao wenyewe na yawafunike.

¹⁰Makaa ya moto na yawaangukie; uwatupe motoni, kwenye shimo refu, wasiweze kuinuka tena.

¹¹Watu wenye ndimi na wasifanywe salama juu ya nchi; na uovu umuwinde kumpiga mtu mwenye vurugu mpaka afe.

¹²Ninajua kuwa Yahwe atahukumu kwa haki walioteswa, na kuwa atawapa haki wahitaji.

¹³Hakika watu wenye haki watalishukuru jina lako; watu wanyoofu wataishi uweponi mwako.