Zaburi 140:1-9

¹Yahwe, uniokoe dhidi ya waovu; unikinge dhidi ya watu wenye vurugu.

²Wao wanapanga uovu mioyoni mwao; wanasababisha mapigano kila siku.

³Ndimi zao zinajeruhi kama nyoka; sumu ya fira imo midomoni mwao. Selah

⁴Ee Yahwe, unilinde dhidi ya mikono ya waovu; unikinge na vurugu za watu wanaopanga kuniangusha.

⁵Wenye majivuno wameweka mtego kwa ajili yangu; wameeneza nyavu; wameweka kitanzi kwa ajili yangu. Selah

⁶Nilimwambia Yahwe, “Wewe ni Mungu wangu; usikie kilio changu unihurumie.”

⁷Ee Yahwe, Bwana wangu, wewe ni mwenye nguvu uwezaye kuniokoa; hunifunika ngao kichwa changu siku ya vita.

⁸Ee Yahwe, usiyatimize matakwa ya waovu; usiruhusu njama zao kufanikiwa. Selah

⁹Wale wanao nizunguka huinua vichwa vyao; madhara ya midomo yao wenyewe na yawafunike.