ZABURA 92:1-12

¹Kámmabogↄrↄ lɛ̀ɛ. À mana ò n sáabu kpá, Dikiri, ò lɛ̀ sí ò n tↄ́ bo, Luda Musude,

²ò n gbɛ̃kɛ baba kↄnkↄ, ò n náanikɛyã o gwãani,

³ò n táaki lɛ́ kũ mↄrↄↄo kũ gidigboo kũ kontigiio.

⁴N yãkɛnanↄ dì ma pↄ kɛ nna, Dikiri, madì ayuwii kɛ n ↄzĩkɛnanↄa.

⁵Dikiri, n yãkɛnanↄn zↄ̃kↄ̃ manamana, n laasunnↄn zã̀ à kɛ̀ zↄ̃kↄ̃.

⁶Yↄ̃nkↄ yã pì dↄ̃ro, mìsaride ni fↄ̃ à dↄ̀rↄ dↄ̃ro.

⁷Bee tó gbɛ̃ vãninↄ fùtɛ ò gbã̀ lán sɛ̃̀ɛ bà akũsↄ̃ yãvãnikɛrinↄ karana lè ń pínki, ń zia bi kakatɛna lakanasarimɛ.

⁸Mↄkↄ̃n sↄ̃ Dikiri, ndìgↄ̃ kú musu gↄrↄ sĩnda pínki.

⁹Ǹ gwa, n ibɛrɛnↄ tɛn láka, vãnikɛrinↄ tɛn fãkↄ̃a ń pínki.

¹⁰N ma gba gbãna lán zùsɛ̃ntɛ bà, n nísi mana kù ma mìia.

¹¹Ma wɛ́ sì ma wɛtɛrinↄ lɛtɛnalɛ, ma sã ma ibɛrɛ vãninↄ wikilɛnaa mà dↄ.

¹²Gbɛ̃ mananↄ ni gbã lán domina línↄ bà, oni kɛ zↄ̃kↄ̃ lán Lɛbana sida línↄ bà.