ZABURA 78:25-38

²⁵Ò malaikanↄ pↄ́ble blè, à zànaa kɛ̀ńnɛ, à gɛ̃̀ ↄla.

²⁶À tò ĩa gbãna bò ifãboki kpa, à pɛ̀ gɛ̀nↄmidↄki kpa ĩaa dↄ kũ a gbãnao,

²⁷akũ à nↄ̀bↄↄ kↄ̀tɛńnɛ dasi lán lukutɛ̃ bà, bãnↄ dàńla lán ísiralɛ bùsu'atɛ̃ bà.

²⁸À tò ò kìpakipa ń bùran, ò gↄ̃̀ kátɛ likana ń kpɛ́nↄi.

²⁹Luda pↄ́ kũ òtɛni a ni dɛnↄ kpàḿma, akũ ò blè ò kã̀ gíngin.

³⁰De a ni kpɛ́ à boḿma, gↄrↄ kũ pↄ́ble pì kpɛ́ da ń lɛ́n,

³¹Luda pↄfɛ̃ fùtɛńyĩ, à Isaraila gↄ̃ gbãnanↄ dɛ̀dɛ, à ń kɛfɛnnanↄ lɛ̀ à nɛ̀.

³²Bee kũ abireo ò kpɛ́ òtɛn durunna kɛ, bee kũ a yãbonsarɛkɛnanↄ, odi a náani kɛro.

³³Akũ à ń wɛ̃̀ndii kɛ̀ńnɛ pã lán lɛ́'ĩa bà, à tò sunyĩ ń lé.

³⁴Tó à ń gbɛ̃kenↄ dɛ̀dɛ, òdi a ki wɛtɛ, òdi ɛra ò arɛ dↄa kũ wãnao.

³⁵Akũ ò dↄ̀n sà kũ Ludamɛ ń gbɛ̀si ũ, ò dↄ̃̀ kũ Luda Musudemɛ ń surabari ũ.

³⁶Gↄrↄ kũ̀a sà òdi lɛ́ maa, òdi ɛ́kɛ tonɛ,

³⁷ń swɛ̃̀ kúaro, ò a bàka kunna kũńwo yã gbòro.

³⁸Àpi sↄ̃ à ń wɛ̃nda gwà, à ń durunnanↄ kɛ̃̀ḿma, adi ń kakatɛro. Àdigↄ̃ a zĩda milɛ ble baala'i, àdi a pↄfɛ̃kipammana ↄ lago.