Text copied!
CopyCompare
Luda yã takada kũ Bisã yão - ZABURA - ZABURA 69

ZABURA 69:15-26

Help us?
Click on verse(s) to share them!
15Ǹsun tó ísↄ̃ damalaro, ǹsun tó mà kpátɛ í lòkotonlo, ǹsun tó wɛ̀ɛ tatamalɛro.
16Ǹ wema Dikiri, zaakũ n gbɛ̃kɛ mana, ǹ arɛ dↄma n sùru zↄ̃kↄ̃ↄ gũn.
17Ǹsun mìkpɛrɛ zu n zↄ̀bleriinɛro, ǹ wema likalika, zaakũ ma gↄ̃ kagura gũmmɛ.
18Ǹ namai ǹ ma mì sí, ǹ ma sura ba ma ibɛrɛnↄa.
19Ń ma sↄ̃sↄ̃na dↄ̃ kũ ma wé'idammanaao kũ ma kpebonaao, ntɛn gbɛ̃ kũ ò ma kũna kũ yãonↄ e.
20Sↄ̃sↄ̃naa ma swɛ̃̀ɛ zↄ̃̀, ma gↄ̃ gbãna sari, gbɛ̃ kũ ani ma wɛ̃nda gwan ma wɛ̀tɛ, mádi lero, gbɛ̃ kũ ani ma nɛ̀sɛ kpátɛmɛnɛn ma wɛ́ dↄ̀i, à kunlo.
21Ò ɛzɛ vãni kàmɛnɛ pↄ́blen, kũ ími ma kũ, ò sèwɛ̃ kpã̀kpãa kpàma mà mi.
22Ń dikpɛkɛna gↄ̃ńnɛ tankutɛ ũ à ń kũ à yã lúńnɛ.
23Ń wɛ́ sira kũ de òsun gu ero, ń wó gↄ̃ kokona.
24Ǹ n pɛ̃tɛ̃ kipaḿma, ǹ n pↄfɛ̃ pãsĩ pisiḿma.
25Ń bɛ gↄ̃ bɛzĩ ũmɛ, ń gbɛ̃ke súngↄ̃ kun de à vutɛ ń kpɛ́n doro.
26Zaakũ òdi wɛ́ tã gbɛ̃ kũ n ń lɛ́nↄa, òdi gbɛ̃ kũ n ń kĩnnanↄ wãwã yã o.

Read ZABURA 69ZABURA 69
Compare ZABURA 69:15-26ZABURA 69:15-26