ZABURA 68:20-33

²⁰Ó Luda bi Luda kũ àdi ń sura bamɛ, Dikiri Luda mɛ́ àdi ó bo ga lɛ́i.

²¹Luda ni a ibɛrɛnↄ mì wíwińnɛ, bisãsiri mìkã dↄrɛ kũ ò tɛ́ ń durunnaanↄ.

²²Dikiri pì: Mani ń bↄtɛ Basã bùsun, mani ń bↄtɛ ísira lↄ̀n,

²³de à á gbá ya á ibɛrɛnↄ arun, á gbɛ̃danↄ ni nɛ́nɛ matɛn ò ń baka ble.

²⁴Luda, o n gbɛ̃nↄ è ò tɛ́tɛkↄ̃i, ma Luda ma Kína, òtɛn su n kúkia.

²⁵Lɛ̀sirinↄn tɛ́ arɛ, batanↄn tɛ́ ń kpɛ, nↄkpare sɛ̃gɛ̃sɛ̃gɛ̃parinↄn tɛ́ ń guragura.

²⁶À Luda tↄ́ bo pari kↄ̃kakaranaa gũn, à Dikiri sáabu kpá ákↄ̃nↄ Isaraila burinↄ.

²⁷Nɛ́ kpɛde Biliaminu burinↄn tɛ́ arɛ gwe, abire gbɛra Yudanↄ kínɛnↄ kũ ń gbɛ̃nↄ kũ Zɛbuluni buri kínɛnↄ kũ Nafatali buri kínɛnↄo.

²⁸Luda, ǹ n gbãna mↄwɛrɛ, Luda, ǹ bo kũ n gbãna kũ n mↄ̀wɛrɛ yão.

²⁹Kínanↄ ni sunnɛ kũ ń gbanↄ n kpɛ́ kũ à kú Yurusalɛmu yãi.

³⁰Ǹ kpãkɛ̃ Misila ítɛnↄbↄↄi, ǹ pata burinↄ zùsanↄa kũ ń gbɛ̃nↄo. Ǹ andurufu gò tↄ̃ḿma, ǹ gbɛ̃ kũ zĩ̀kanaa dì kɛńnɛ nnanↄ fãkↄ̃a.

³¹Misilanↄ ni zĩ̀rinↄ gbarɛmma, Etiopianↄ ni ↄ dↄmma, Luda.

³²Andunia kpatablerinↄ, à lɛ̀ sí Ludanɛ, à Dikiri táaki lɛ́,

³³àkũ kũ à di ludambɛ kũ à kun zaa zĩzĩa. À ma, àtɛn pũtã gbãnagbãna.