ZABURA 63:1-8

¹Lɛ̀ kũ Dauda dà gↄrↄ kũ à kú Yuda gbárannan. Luda, ma Ludamɛ n ũ, matɛni n arɛ wɛtɛ, ma nini yenyĩ, matɛni lukanyĩ lán zĩtɛ kori kũ à ye íi bà.

²Ma n e n kúkia, ma wɛ́ sì n gbãna kũ n gakuriolɛ.

³Zaakũ n gbɛ̃kɛ manamɛnɛ de wɛ̃̀ndila, n sáabukpana nigↄ̃ da ma lɛ́n.

⁴Manigↄ̃ n tↄ́ kpá ari ma wɛ̃̀ndi lɛ́n, mani ↄ sɛ́ musu mà n sísi.

⁵Ma nɛ̀sɛ ni kã lákũ òdi pↄ́ nna ble ò kã nà, n táakilɛna nigↄ̃ da ma lɛ́n kũ ayuwiikɛnaao.

⁶N yã dì dↄmagu ma wútɛkia, madì laasun lɛ́mma gwãani.

⁷Ma sↄtↄna n orun, matɛn lɛ̀ sí, zaakũ mↄkↄ̃mmɛ ma kpanyĩri ũ.

⁸Ma nini namma, ń ma kũna n ↄplan.