ZABURA 50:1-14

¹Asafa lɛ̀ɛ. Dikiri Luda Gbãnasĩndapinkide tɛn yã o, àtɛn lɛ́ zu andunia gbɛ̃nↄi zaa ifãboki kpa ari a lɛ́tɛ kpa.

²Luda gakuri tɛn bi Zaiↄ̃, wɛ̃tɛ kũ a manakɛ papana.

³Ó Luda tɛn su, anigↄ̃ yĩtɛnaro. Tɛ́ kũ àdi ń ble kú a arɛ, zàga'ĩa pãsĩ likai.

⁴Àtɛn musudenↄ sísi kũ zĩtɛdenↄo de à le à yãkpatɛ kɛ kũ a gbɛ̃nↄ.

⁵À pì: À ma yãmarinↄ kakaramɛnɛ, gbɛ̃ kũ ma bàka kú kũńwo sa'onaa gãinↄ.

⁶Ludamɛ yãkpatɛkɛri ũ, musudenↄ dì a yãkɛna a zɛ́a kpàkpa kɛ.

⁷À ma, ma gbɛ̃nↄ, má yã vĩ mà oárɛ, Isarailanↄ, mani á dà bobo, makũmɛ Luda á Luda ũ.

⁸Matɛn zuka káái á sa'ona yãiro, ke sa'opↄ kũ adìgↄ̃ ká tɛ́n à tɛ́ kũ.

⁹Má zùsa kũ à kú á kpàsan ni vĩro, kesↄ̃ blè kũ à kú á karaa gũn,

¹⁰zaakũ nↄ̀bↄsɛ̃ntɛnↄ bi ma pↄ́nↄmɛ kũ pↄ́kãde kpàsa kũ ò kú sĩ̀sĩ dasinↄ musuo.

¹¹Má kpi musu bãnↄ dↄ̃ pínki, sɛ̃̀ntɛ pↄ́ ketenↄ kun ma pↄ́ ũmɛ.

¹²Tó nà tɛni ma dɛ, mani oárɛro, zaakũ makũmɛ má andunia vĩ kũ pↄ́ kũ ò kunnↄ pínki.

¹³Madì zùsa nↄ̀bↄ són yá? Madì blèkofĩnii aru min yá?

¹⁴À sa oma kɛnnakũkↄ̃o pↄ́ ũ, à lɛ́ kũ a gbɛ̃̀ makũ Luda Musudea fĩna bo.