ZABURA 45:8-16

⁸Lí'ↄ gbĩ nnanna pìsi n pↄ́kasanↄa, mↄrↄ'ũ dì n pↄ kɛ nna n kpɛ́ kũ ò kɛ̀kɛ kũ wisa sakaao gũn.

⁹Kína nɛ́nↄgbɛ̃nↄn kú n nↄ yenyĩdenↄ tɛ́, n nↄ dufu kú n ↄplai, à Ofi bùsu wurapↄnↄ dana.

¹⁰Nɛ́nↄkpare, ǹ sã kpá ǹ ma! N de bɛ kũ n gbɛ̃nↄ yã sún donnɛ arɛro.

¹¹N nↄmanakɛ tɛn kína mɛ̀ɛ luka, ǹ mì natɛnɛ, zaakũ n dikirimɛ a ũ.

¹²Tayadenↄ ni su ò gba dannɛ, aruzɛkɛdenↄ ni n wɛ́ wɛtɛ.

¹³Kína nɛ́nↄkpare vutɛna kpɛ́nɛ gũn kũ gakurio, ò ↄzĩ kɛ̀ a pↄ́kasanↄa kũ wura bàao.

¹⁴Òtɛn su kãao kínanɛ kũ a pↄ́kasa wãnzãndenↄo dana. Nɛ́nↄkpare zɛnnɛrinↄ tɛ́i, òtɛn su kãao a kĩnaa.

¹⁵Òtɛn gɛ̃ kũńwo kínabɛa, òtɛn pↄnna kɛ kũ ayuwiikɛnaao.

¹⁶N nɛ́gↄ̃gbɛ̃nↄ ni gↄ̃ n denↄ gɛ̃nɛ ũ, ĩni ń ditɛditɛ kínanↄ ũ andunia gũn pínki.