ZABURA 35:15-27

¹⁵Ama kũ ma gɛ̃̀ɛ sì, ò lìkamai kũ pↄnnao, ò ma kɛ pã ò lɛ̀tɛma, ò ma yaka lakanaa sari.

¹⁶Ò ma fobò pãsĩpãsĩ, ò saka pìtima.

¹⁷Dikiri, ĩnigↄ̃ ma gwa lɛ ari bↄrɛɛ? Músu pìnↄ tɛni ma kɛ yákiyaki, ǹ ma síḿma màgↄ̃ kú wɛ̃̀ndiio.

¹⁸Mani n sáabu kpá pari kↄ̃kakarana gũn, mani n tↄ́ kpá gbɛ̃nↄ wára.

¹⁹Ǹsun tó ma ibɛrɛnↄ ma yáa dↄro, ǹsun tó gbɛ̃ kũ ò zã̀magu pãnↄ ma gwa kũ wɛ́ vãnioro.

²⁰Yã nna dì bo ń lɛ́nlo, òdi yã di yãketesaridenↄa.

²¹Òdi lɛ́ atɛ̃ ò pi: Ɛ̃hɛ̃, ɛ̃hɛ̃, ó wɛ́ è.

²²Dikiri, n wɛ́ è, ǹsungↄ̃ yĩtɛnaro, ma Dikiri, ǹsungↄ̃ zã̀ kũmaoro.

²³Ma Luda, ǹ futɛ ǹ zɛ kũmao, ma Dikiri, ǹ tó yã bo kũmao nna.

²⁴Ndì yã kɛ a zɛ́a, Dikiri ma Luda, ǹ yã nna kpáma, ǹsun tó ò ma yáa dↄro.

²⁵Ǹsun tó ò o ń swɛ̃̀n ò ma nɛro, ǹsun tó ò pi ò ma mↄ bɛ̃nɛro.

²⁶Lákũ òtɛn pↄnna kɛ ma wɛ́tãmmanaa musu nà, ǹ tó wé'i ń kũ, mà ń kpɛ e. Lákũ òtɛn zↄ̃kↄ̃kɛ mↄmɛnɛ nà, ǹ wé'i daḿma ǹ ń kpe bo.

²⁷Gbɛ̃ kũ ma bona mana dì kɛńnɛ nnanↄ ǹ tó ò pↄnna kɛ ò ayuwii kɛ. Gbɛ̃ kũ ma bona aafiaa dì káńgunↄ ǹ tó ògↄ̃ pi baala'i, Dikiri mɛ́ à zↄ̃kↄ̃.