ZABURA 31:2-19

²Ǹ sã kpámai ń ma faaba kɛ likalika, ǹ gↄ̃ ma utɛki gbɛ̀ ũ, zɛki gbãna kũ ani ma faaba kɛ ũ.

³Ma gbɛ̀si kũ ma zɛki gbãnaoomɛ n ũ, ǹ domɛnɛ arɛ ń ma da zɛ́a n tↄ́ yãi.

⁴Ǹsun tó mà zu bà kũ ò kpàkpamɛnɛnlo, zaakũ ma surabariimɛ n ũ.

⁵Ma a nini nànnɛ n ↄĩ, ǹ ma sura ba Dikiri Luda yãpurade.

⁶Ma zã gbɛ̃ kũ òdi na tãnanↄinↄn, Dikirin ma náani kɛ̀.

⁷Mani yáa dↄ mà pↄnna kɛ kũ n yenyĩo, zaakũ n ma yã'ũmmanaa è, n ma warikɛnaa dↄ̃̀mɛnɛ.

⁸Ńdi ma na ma ibɛrɛnↄnɛ ń ↄĩro, n ma gba mɛ̀poroki.

⁹Ǹ ma wɛ̃nda gwa Dikiri, zaakũ má kú wari gũmmɛ, pↄsira tò ma wɛ́ gↄ̃̀ súkusuku, ma pↄ sira kũ̀ ma nɛ̀sɛɛ yàka.

¹⁰Pↄsira tɛni ma swɛ̃̀ ble, ndana tɛni ma wɛ̃̀ lago, laasun tò má gbãna vĩ doro, ma wánↄ bùsa.

¹¹Ma gbɛ̃dakenↄ dì ma gya bo ma ibɛrɛnↄ yãi, ma yã dì ma gbɛ̃nↄ gba vĩna manamana, gbɛ̃ kũ odì dakarɛ batunↄ dì pãmɛnɛ.

¹²Ma yã dí dↄ gbɛ̃kegu doro, ma gↄ̃ lán gɛ̀ɛ bà, ma gↄ̃ńnɛ lán oro kaso bà.

¹³Madì ma kũ gbɛ̃nↄ tɛni ma pi dasi, vĩnapↄnↄn likamai. Òdi kakara ò lɛ́ kpákũsũmai, òdi lɛ́dokↄ̃nↄ kɛ ma wɛ̃̀ndibona yãi.

¹⁴Ama ma n náani kɛ̀ Dikiri, madì pi ma Ludamɛ n ũ.

¹⁵Ma wɛ̃̀ndii dìgↄ̃ kú n ↄĩ gↄrↄ sĩnda pínki, ǹ ma sí ma ibɛrɛ kũ òtɛni ma wɛtɛ ò ma dɛnↄ ↄĩ.

¹⁶Ǹ ãn were makũ n zↄ̀bleriia, ń ma sura ba n yenyĩ gũn.

¹⁷Dikiri, ǹsun tó wé'i ma kũro, zaakũ ma wiki lɛ̀mma. Ǹ tó wé'i yãvãnikɛrinↄ kũ, ǹ tó ń lɛ́ gↄ̃ nakↄ̃ana gyãwãnn,

¹⁸ǹ tó ɛ́kɛtorii pìnↄ nɛ́nɛ natɛ. Òdi dↄkɛ kũ gbɛ̃ mananↄ, òdi ń gya bo kũ ĩadãnaao.

¹⁹Aruzɛkɛ kũ n kàkara n vĩnakɛrinↄnɛ zↄ̃kↄ̃, ndì arubarika da gbɛ̃ kũ ò nanyĩnↄgu gbɛ̃ sĩnda pínki wára.