ZABURA 17:3-14

³N ma swɛ̃̀ɛ gwà, n wɛ́ tɛ́mai gwãani, n ma tàasii kà, ńdi yãke emaro, zaakũ ma zɛo kũ ma lɛ́ ni ma kari boro.

⁴Madì tɛ́ bisãsiri yãkɛnanↄiro, madì gbɛ̃ pãsĩnↄ turuba sɛ́ro.

⁵Ma kure n zɛ́n súsu, mádi pã n yãnɛro.

⁶Matɛn lɛ́ zunyĩ, zaakũ ĩni wema. Luda, ǹ sã kpá ma aduakɛnaai.

⁷Ǹ n gbɛ̃kɛ yãbonsarɛ kɛmɛnɛ, ǹ gbɛ̃ kũ ò nànyĩnↄ bo ń ibɛrɛnↄ ↄĩ.

⁸Ǹ laakari dↄma lán n wɛ́nɛ bà, ǹ ma sↄtↄ n orun.

⁹Ǹ ma sí gbɛ̃ pãsĩ kũ òdi wari dↄmanↄa, ma ibɛrɛ kũ ò likanamai pìnↄ.

¹⁰Òdi gbɛ̃ke wɛ́ gwaro, ń lɛ́ dì zĩda sɛna lei yã o.

¹¹Ò pɛ̀tɛmai ò lìkamai, ò wɛ́ pìtima de ò le ò ma pãtɛ zĩtɛ.

¹²Ò ye ò ma kɛ yákiyaki lákũ músu nàdɛri dì kɛ nà, lán músu kũ à natɛna gukpado bà.

¹³Dikiri, ǹ futɛ ǹ dańlɛ ǹ ń nɛ, ǹ ma sí gbɛ̃ pãsĩnↄa kũ n fɛ̃nɛdao.

¹⁴Ǹ ma bo ń ↄĩ kũ n gbãnao. Ń baka kú andunia díkĩna gũn, ń aruzɛkɛ dìgↄ̃ dińyĩ, ń nɛ́nↄ dì kã, òdi pↄ́ kũ à dìńyĩnↄ kátɛ ń nɛ́nↄnɛ.