ZABURA 139:14-24

¹⁴Ma n sáabu kɛ̀ kũ ma kɛna naasi vĩ akũsↄ̃ à yãbonsarɛ vĩ. N yãkɛnanↄ dì bo ń sarɛ, má dↄ̃ sãnsãn ma nɛ̀sɛn.

¹⁵Gↄrↄ kũ n ma í kàsa nɛ́'isↄↄ gũn, ma wá ke utɛnannɛro. Kũ ma mɛ̀ tɛn li asiri gũn gwe,

¹⁶n wɛ́ sì ma nɛ́gbĩnilɛ. Lákũ n ma gↄrↄ dìtɛ nà pínki, a lɛ́ kú n takadan zaade a ke dí naaro.

¹⁷Luda, n laasunn bɛ̀ɛrɛ vĩmɛnɛ manamana, a lɛ́ vĩro fá!

¹⁸Tó má ye mà naro, ń dasi de bùsu'atɛ̃la, tó ma vu, madìgↄ̃ kú kũnwo ari tera.

¹⁹Luda, tó ĩni gbɛ̃ vãninↄ dɛdɛ dé? À gomala, ákↄ̃nↄ gbɛ̃dɛrinↄ!

²⁰N ibɛrɛnↄ dì n yã o kũ nɛ̀sɛ vãnio, n tↄ́ bɛ̀ɛrɛ vĩ n lɛ́nlo.

²¹Dikiri, madì zã gbɛ̃ kũ ò zã̀ngunↄguroo? Madì gí gbɛ̃ kũ ò fùtɛnyĩnↄ kãi.

²²Má yãke vĩńnɛro, se zãngu, madì ń ditɛ ma ibɛrɛnↄ ũmɛ.

²³Luda, ǹ ma gwagwa ǹ ma nɛ̀sɛ dↄ̃, ǹ ma yↄ̃ ǹ ma gwa ǹ ma laasun dↄ̃.

²⁴Ǹ gwa tó má laasun vãni ke vĩ, ǹ ma da zɛ́ kũ àdigↄ̃ kun gↄrↄ sĩnda pínkiaa gũn.