ZABURA 132:11-18

¹¹Dikiri sì kũ a kunnaao Daudanɛ, à náani vĩ, ani lɛ́ litɛro, à pì: Mani n burinↄ doke ká n kpatan.

¹²Tó n burinↄ ma bàka kunna kũńwo yã dà, tó ò yã kũ ma dàńnɛnↄ kũna, ń burinↄ nigↄ̃ vutɛ n kpatan gↄrↄ sĩnda pínki.

¹³Zaakũ Dikiri Zaiↄ̃ sɛ̀, à ye àgↄ̃ de a vutɛki ũ, à pì:

¹⁴Gu dín manigↄ̃ kun gↄrↄ sĩnda pínki, lan manigↄ̃ vutɛna, zaakũ à ma pↄ gbàmɛ.

¹⁵Mani arubarika dan manamana, mani pↄ́ble kpá a takasidenↄa à mↄ́ḿma.

¹⁶Mani surabana da a sa'orinↄnɛ uta ũ, ma yãmarinↄ ayuwii nigↄ̃ dↄ.

¹⁷Gwen mani Dauda buri kína gbãnade bon, gwen kína kũ ma kà tɛ́ nigↄ̃ kún.

¹⁸Mani wé'i da a ibɛrɛnↄa, a kífura nigↄ̃ pí a mìia.