Zəbur 79:1-6

¹Asəfin məzmuru. Ey Allah, millətlər Sənin mülkünə giriblər, Müqəddəs məbədini murdar ediblər, Yerusəlimi viranəliyə çeviriblər.

²Qullarının cəsədini göydəki quşlara yem ediblər, Möminlərinin ətini yerdəki heyvanlara veriblər.

³Yerusəlimin hər tərəfində onların qanı axıdılıb, Onları dəfn edən yoxdur.

⁴Qonşularımızın tənə hədəfinə döndük, Ətrafdakılarımız tərəfindən ələ salınıb lağ edildik.

⁵Ya Rəbb, nə vaxtacan, Yoxsa əbədilikmi bu qəzəbindən dönməyəcəksən, Qısqanclıqdan od tutub yanacaqsan?

⁶Səni tanımayan millətlərin, İsmini çağırmayan ölkələrin üstünə hiddətini tök.