Zəbur 66:6-12

⁶Dənizi quruya çevirdi, Çayın sularını saxlayıb xalqını piyada keçirtdi. Biz Allaha görə sevinək!

⁷Qüdrəti ilə əbədi səltənət sürər, Günahkarlar Ona qarşı qalxmasın deyə Göz qoyub millətlərə nəzarət edər. Sela

⁸Ey xalqlar, Allahımıza alqış edin, Ona həmd edin, səsiniz eşidilsin!

⁹Odur canımızı qoruyan, Ayağımızı büdrəməyə qoymayan.

¹⁰Ey Allah, bizi sınaqdan keçirtdin, Sən bizi gümüş kimi təmizləyib saflaşdırdın.

¹¹Sən bizi Öz torunla tutdun, Kürəyimizə ağır yük qoydun.

¹²Sən insanları başımızın üstündən keçirtdin. Oda düşdük, suya düşdük, Axırda bizi Sən bolluğa çıxartdın.