Zəbur 37:13-17

¹³Amma Xudavənd şər adama gülür, Onun dövranının az olmasını bilir.

¹⁴Məzlumu, fəqiri yerə vurmaq üçün, Düz yolda olanı boğazlamaq üçün Pislər qılınc çəkər, ox-kamanını qurar.

¹⁵Lakin onların qılıncları öz ürəklərinə saplanacaq, Ox-kamanları parça-parça olacaq.

¹⁶Salehin az malı Pislərin bütün sərvətlərindən yaxşıdır.

¹⁷Çünki pislərin qol-qanadı qırılacaq, Rəbb isə salehlərin dayağıdır.