ZĨRINƆ 4:3-12

³Akũ ò ń kũ ò ń dá kpɛ́siran ari gu dↄ̀, zaakũ gu gĩnakɛ à sì kↄ̀.

⁴Ama gbɛ̃ dasi kũ ò ń yã mànↄ Yesu náani kɛ̀ ari ń gↄ̃gbɛ̃nↄ dasi kũ̀ à kà gbɛ̃nↄn dúbu sↄↄro taka bà.

⁵Kũ gu dↄ̀, Yuda gbãnadenↄ kũ gbɛ̃ zↄ̃kↄ̃nↄ kũ ludayãdannɛrinↄ kàkara Yurusalɛmu.

⁶Sa'oriki Anasa kú gwe kũ Kayafao kũ Yuhanao kũ Alɛsandao kũ gbɛ̃ kũ ò de sa'oriki pìi danɛ ũnↄ ń pínki.

⁷Ò sù kũ Pitao kũ Yuhanao gbãnade pìnↄ arɛ, akũ ò ń lá ò pì: Bↄ́ gbãna ke dí tↄ́n a abirekũ kɛ̀oo?

⁸Akũ Luda Nini sù Pitaa à pìńnɛ: Gbãnadenↄ kũ gbɛ̃ zↄ̃kↄ̃nↄ,

⁹lákũ átɛni ó lala gbãra nà yã mana kũ o kɛ̀ ɛrɛɛnɛ yãi, deran o kɛ̀ à wèrekↄ̃a nà,

¹⁰ákↄ̃nↄ kũ Isarailanↄ pínki àgↄ̃ dↄ̃ kũ gbɛ̃ kũ à zɛna á arɛ dí aafiaa lè kũ Yesu Kirisi Nazɛra kũ a a pà lía Luda a vù bona gan tↄ́omɛ.

¹¹Lɛmɛ gbɛ̀ kũ ákↄ̃nↄ kpɛ́borinↄ a pã kpài mɛ́ à gↄ̃̀ kpɛ́ kusuru gbɛ̀ mìde ũ.

¹²Gbɛ̃ pãnde ke kun kũ ani gbɛ̃ sura baro, zaakũ andunia gũn pínki Luda dí gbɛ̃ke ditɛ bisãsirinↄnɛ à ń sura baro, séde àpii.