ZĨRINƆ 2:9-25

⁹Paatianↄ kↄ̃n Midianↄ kↄ̃n Elamunↄn wa ũ kↄ̃n gbɛ̃ kɛ̀ aↄ̃ↄ kú Mɛsↄpↄtamianↄ kↄ̃n Yudeao kↄ̃n Kapadosiao kↄ̃n Pↄntuo kↄ̃n Asiao

¹⁰kↄ̃n Firigiao kↄ̃n Pamfiliao kↄ̃n Igipitio kↄ̃n Libia bùsu kɛ̀ kú Sirɛni saɛo kↄ̃n gbɛ̃ kɛ̀ aↄ̃ bↄ̀ Romunↄ.

¹¹Yudanↄ kↄ̃n gbɛ̃ kɛ̀ aↄ̃ ń dↄnzi zɛ́ sɛ̀nↄn wa ũ kↄ̃n Kɛrɛtinↄ kↄ̃n Larubunↄ, ben wée maa aↄ̃ↄe Luda yãbↄnsaɛ kɛnanↄ oo kↄ̃n wa baade boriyãnↄ.

¹²Yã pì ń kũ gbãa aↄ̃ bídi kɛ̀, aↄ̃ↄe kↄ̃ lalaa wèe bee: Yã kpare takan gwee?

¹³Gbɛ̃kenↄ sↄ̃ↄ e ń lalandi kɛɛ wà bè: Aↄ̃ í sɛ̀ wà kã̀mɛ.

¹⁴Ben Pita fɛ̀ɛ à zɛ̀ kↄ̃n a gbɛ̃ kpaa gↄ̃ↄn kuri awɛɛdoonↄ, à yã ò gbãngbãn à bè: Amↄa Yudanↄ kↄ̃n gbɛ̃ kɛ̀ á kú Yerusalɛmunↄ píngi, à swã kpá à tó mà yã pì oare.

¹⁵Í e gbɛ̃ pìnↄ kũ lán ée daa nàro, zaakɛ kↄngↄ mↄ̀ kɛ̃ndoon tia.

¹⁶Yã kɛ̀ annabi Yoɛli òn yɛ̀:

¹⁷Luda bè: Ziaa zĩ mɛ́ ma Ninii pisi gbɛ̃ píngia, a nɛ́gↄ̃gbɛ̃nↄ kↄ̃n a nɛ́nↄgbɛ̃nↄ é annabikɛyã o, a gↄ̃kparɛnↄ é wɛ́ɛgupu e, a mare ìsinↄ é nanaa o.

¹⁸Gurↄ beeenↄa mɛ́ ma Ninii pisi ma zↄ̀blerinↄa gↄ̃gbɛ̃nↄ kↄ̃n nↄgbɛ̃nↄ ń píngi aↄ̃é annabikɛyã o.

¹⁹Mɛ́ sèedanↄ kɛ musu, mɛ́ yãbↄnsaɛnↄ kɛ anduna guu, aru kↄ̃n tɛ́o kↄ̃n tɛ́sukpɛ siaao égↄ̃ kuu.

²⁰Ɔfãntɛ̃ é sia kũ, mↄvura é tã lán aru bà ai Dii sugurↄ ìsi gakuidee gↄ̃ gá ká,

²¹gbɛ̃ sãnda píngi kɛ̀ aↄ̃è Dii sísinↄ é bↄ.

²²Isarailinↄ, à yã kɛ̀ ma. Lán á dↄ̃ a zĩndanɛ nà, Luda Yesu Nazarɛti ↄ̀dↄaare a gbɛ̃ ũ kↄ̃n dabuyãnↄ kↄ̃n yãbↄnsaɛnↄ kↄ̃n sèeda kɛ̀ à kɛ̀ à gãzĩ a tɛ́nↄ.

²³Luda zɛ̀o a pↄyezi kↄ̃n a dↄ̃nao guu wà à kpàawa, ben á tò bori pãndenↄ à pà lía wà à dɛ̀.

²⁴Ben Luda ga bà pòtoa à à fɛ̀ɛ, zaakɛ à zɛ́ kuu kɛ̀ ga é fↄ̃ àgↄ̃ à kũnaro.

²⁵Zaakɛ Dauda à yã ò à bè: Mɛɛ̀gↄ̃ Dii ee ma wɛ́ɛn gurↄ píngi, lán à kú ma ↄplaazi nà pↄ́ke é ma degero.