ZĨRINƆ 2:3-12

³Aↄ̃ pↄ́ è lán tɛ́nɛnɛnↄ bà à fã̀akↄ̃a à zↄ̃̀ ń baadea.

⁴Ben Luda Nini pìtaḿma ń píngi, ben aↄ̃ nà yãkebori'onaa lán Ninii pì ń gbá lɛ́ nà.

⁵Yuda kenↄ kú Yerusalɛmu gwe, ludayãdari kɛ̀ aↄ̃ bↄ̀ anduna bùsu píngi guunↄ ũ.

⁶Kɛ̀ aↄ̃ ń zↄka pì mà, aↄ̃ kàkↄ̃ańzi paripari, ben aↄ̃ bídi kɛ̀, kɛ̀ aↄ̃ↄ mà wèe ń baade píngi bori yã oo.

⁷Yã pì ń kũ gbãa à bↄ̀ ń saɛ aↄ̃ bè: Yã'ori pìnↄ nɛ́ Galilideenↄmɛ ń píngiroo?

⁸À kɛ̀ dia wá mà aↄ̃ↄe wa baade bùsu yã oo?

⁹Paatianↄ kↄ̃n Midianↄ kↄ̃n Elamunↄn wa ũ kↄ̃n gbɛ̃ kɛ̀ aↄ̃ↄ kú Mɛsↄpↄtamianↄ kↄ̃n Yudeao kↄ̃n Kapadosiao kↄ̃n Pↄntuo kↄ̃n Asiao

¹⁰kↄ̃n Firigiao kↄ̃n Pamfiliao kↄ̃n Igipitio kↄ̃n Libia bùsu kɛ̀ kú Sirɛni saɛo kↄ̃n gbɛ̃ kɛ̀ aↄ̃ bↄ̀ Romunↄ.

¹¹Yudanↄ kↄ̃n gbɛ̃ kɛ̀ aↄ̃ ń dↄnzi zɛ́ sɛ̀nↄn wa ũ kↄ̃n Kɛrɛtinↄ kↄ̃n Larubunↄ, ben wée maa aↄ̃ↄe Luda yãbↄnsaɛ kɛnanↄ oo kↄ̃n wa baade boriyãnↄ.

¹²Yã pì ń kũ gbãa aↄ̃ bídi kɛ̀, aↄ̃ↄe kↄ̃ lalaa wèe bee: Yã kpare takan gwee?