ZĨRINƆ 20:2-13

²Kɛ̀ èe gɛ̃tɛɛ bùsu beeela, à gbɛ̃nↄ gbà swɛ̃̀ kↄ̃n yãnↄ pari ai à gàa à kào Girisi,

³ben à mↄ aagↄ̃ↄ kɛ̀ gwe. Kɛ̀ èe gaa gɛ̃ góro'itɛn lɛ à tá Siria bùsun, à mà Yudanↄ lɛ́ kpàkↄ̃sↄ̃azi, ben à zɛ̀o à ɛara à tá kↄ̃n Masedonia kpaao.

⁴Gbɛ̃ kɛ̀ aↄ̃ gàa zɛnɛnↄ tↄ́n yɛ̀: Bɛrea gbɛ̃ Piru nɛ́ Sopata kↄ̃n Tɛsalonika gbɛ̃ Arisitaku kↄ̃n Sɛkunduo kↄ̃n Dɛbi gbɛ̃ Gayusio kↄ̃n Timↄtio kↄ̃n Asia bùsu gbɛ̃ Tikiku kↄ̃n Torofimuo.

⁵Gbɛ̃ beeenↄ dↄ̀we aɛ wà gàa, aↄ̃ↄe wa dãa Toroasi.

⁶Wapinↄ sↄ̃ Burɛdi Sɛ́sɛ'ɛ̃zɛ̃sai zĩbaa gbɛra wa gɛ̃ góro'itɛn Filipi, ben gurↄ sↄↄroo gbɛra wa ń lé Toroasi. Gwen wa azuma doo dɛ̀n.

⁷Azumanɛngo zĩ wa kↄ̃ kàkↄ̃a, lɛ wà burɛdi só lɛdo. Pↄlu e waazi kɛɛńnɛ. Kɛ̀ à yezi à tá tó guu dↄ̀, ben à dà yãla ai lezãndo.

⁸Fitia parii kú kpɛ́ musu guu kɛ̀ wá kↄ̃kakↄ̃an.

⁹Gↄ̃kparɛ kee vɛ̃ɛna windo guu kɛ̀ wè benɛ Yutiku, èe igoba paa. Kɛ̀ Pↄlu waazikɛna kɛ̀ gbã̀a, ii à lɛ̀, ben à bↄ̀ zaa kpɛ́ musu pì lɛo aagↄ̃de windo guu à lɛ̀ɛ, ben wà à sɛ̀ gɛ̀ ũ.

¹⁰Ben Pↄlu pìta à kùsia, ben à à sɛ̀ à kpà a kùla à bè: Àton tó swɛ̃̀ kɛ̃aguro, à kú wɛ̃̀ndio.

¹¹Kɛ̀ à ɛ̀ara à dìdi musu, à burɛdi lìlikↄ̃rɛ a sò, ben à yã ò maamaa ai guu dↄ̀o, ben à dà zɛ́n.

¹²Ben wà tà kↄ̃n gↄ̃kparɛ pìo bɛ̃ɛ, gbɛ̃nↄ nↄ̀sɛ yĩi kũ̀ maamaa.

¹³Wapinↄ sↄ̃ wa gaa wa gɛ̃ góro'itɛn, wa dↄ Pↄlunɛ aɛ wa ta Aso, wɛ́tɛ kɛ̀ wé à sɛ́n. Lɛn à zɛ̀o lɛ, zaakɛ à yezi à gá gwe kɛ̀sɛmɛ.