ZĨRINƆ 1:13-18

¹³Kɛ̀ aↄ̃ kà, ben aↄ̃ dìdi kpɛ́ musu, guu kɛ̀ aↄ̃ègↄ̃ kún. Pita kú gwe kↄ̃n Yohanao kↄ̃n Yemisio kↄ̃n Anduruo kↄ̃n Filipio kↄ̃n Tomasio kↄ̃n Batↄlↄmiuo kↄ̃n Matiuo kↄ̃n Alafeu nɛ́ Yemisio kↄ̃n Simↄ Aĩadeeo kↄ̃n Yemisi nɛ́ Yudasio.

¹⁴Aↄ̃ píngi ń zĩnda kpà aduakɛnaa lɛdo kↄ̃n Mariama Yesu dao kↄ̃n Yesu dãaronↄ kↄ̃n nↄgbɛ̃ kpaaanↄ.

¹⁵Gurↄ beeea Pita fɛ̀ɛ à zɛ̀ Yesu ìba kɛ̀ aↄ̃ kà gↄ̃ↄn baswɛɛdo takanↄ tɛ́ à bè:

¹⁶Ma gbɛ̃nↄ, yã kɛ̀ Dauda ò kↄ̃n Luda Nini gbãaao Yudasi kɛ̀ dↄ̀ gbɛ̃ kɛ̀ aↄ̃ Yesu kũ̀nↄnɛ aɛ yã musu, tiasimɛ Luda yã pì papa.

¹⁷Wa gbɛ̃ndoomɛ yã à baka kú wa zĩi kɛ̀kii guu.

¹⁸À tↄↄtɛ lù kↄ̃n ↄↄ kɛ̀ à è a zaakɛna guuo. Gwen à bàkɛ̃ à lɛ̀ɛn, à gbɛɛɛ pũ̀tã à nↄaɛnↄ bↄ̀ɛ píngi.