ZĨRINƆ 16:5-21

⁵Akũ òtɛn gbãna kũ ń ludanaanikɛnaa gũn òtɛn dasi kũ lákũ gu dìgↄ̃ dↄ nà.

⁶Luda Nini gìńnɛ ò gɛ́ Luda yã o Asia bùsun, akũ ò gɛ̃̀tɛ Firigia kũ Galatia bùsunↄola.

⁷Kũ ò kà Misia bùsu lɛ́n, ò ye ò gɛ̃ Bitinia bùsun, akũ Yesu Nini dí weńnɛro.

⁸Kũ ò gɛ̃̀tɛ Misia bùsula, akũ ò kà Toroasi.

⁹Gwãani Pↄlu Masedonia bùsu gbɛ̃ke è zɛna wɛ́gupu'enaa gũn, àtɛn kútɛ kɛnɛ à pì: Ǹ bikũ ǹ su ó kĩnaa Masedonia ǹ kpawái.

¹⁰Kũ à wɛ́gupu è lɛ, akũ o Masedonia soru kɛ̀ gↄ̃̀nↄ, zaakũ o dↄ̃̀ sà kũ Luda mɛ́ àtɛni ó sísi ò gɛ́ baaru nna kpáńnɛ.

¹¹Akũ o gɛ̃ gó'itɛn Toroasi o mìi pɛ̀ Samↄtarasia. Kũ gu dↄ̀ o ka Nɛapↄli.

¹²Bona gwe o gɛ Filipi. Àkũmɛ Masedonia bùsu kpado pì wɛ́ra ũ, kũ Romudenↄn vĩ. Akũ o gↄrↄ pla kɛ̀ wɛ̃tɛ pìi gũn.

¹³Kámmabogↄrↄ zĩ o bo wɛ̃tɛ kpɛ o gɛ swa sarɛ, gu kũ o mà aduakɛki kunwa. Akũ o vutɛ o yã ò nↄgbɛ̃ kũ ò kakarana gwenↄnɛ.

¹⁴Nↄgbɛ̃ ke kú gwe òdi pinɛ Lidia. Tiatira gbɛ̃mɛ, biza wɛ́ tɛ̃ra búgu yìariimɛ, akũsↄ̃ Luda donyĩriimɛ. Àtɛn yã kũ Pↄlu tɛn o ma, akũ Dikiri a swɛ̃̀ɛ wɛ̃̀nɛ à yã pìi sì.

¹⁵À da'itɛ kɛ̀ kũ a bɛdenↄ, akũ à wɛ́ kɛ̀wá à pì: Tó a ma Dikiri náanikɛnaa sì, à mↄ́ à kipa ma bɛa. Akũ o a yãze è.

¹⁶Zĩkea kũ ótɛn gɛ́ aduakɛkia, o dakarɛ kũ zↄ̀nↄgbɛ̃ kũ à mlɛ̃̀ tãna vĩo. A dikirinↄ dì ↄgↄ le manamana a ziayã'onnɛnaa musu.

¹⁷Akũ à bò à tɛ́wái, ókↄ̃nↄ kũ Pↄluo, àtɛn wiki lɛ́ à pì: Gbɛ̃ dínↄ bi Luda Musude zↄ̀blerinↄmɛ, òtɛn surabana zɛ́ kpàkpa kɛárɛ.

¹⁸Àdigↄ̃ kɛ lɛ lán gu dìgↄ̃ dↄ nà, akũ Pↄlu kpàsa kãao. À lìtɛ à pì tãna pìinɛ: Ma ònnɛ kũ Yesu Kirisi tↄ́o ǹ goa. Akũ à gòa gↄ̃̀nↄ.

¹⁹Kũ a dikirinↄ dↄ̃ ń àrelena a yã musu wɛ́dↄinaa làka, akũ ò Pↄlu kũ Silasioo kũ̀ ò ń gátɛ ò gɛ̀ɛ kũńwo gbãnadenↄ kĩnaa ɛtɛ gũn.

²⁰Ò gɛ̀ɛ kũńwo yãkpatɛkɛrinↄ kĩnaa ò pì: Gbɛ̃ dínↄ bi Yudanↄmɛ, òtɛni ó wɛ̃tɛ yakawɛrɛ.

²¹Futɛokarayã kũ ókↄ̃nↄ Romudenↄ doka gìi ò sí ke ò kɛn òtɛn dańnɛ.