ZĨRINƆ 13:41-48

⁴¹ò pì: À ma, ákↄ̃nↄ lalandikɛrinↄ, à kɛ gìri à kakatɛ, zaakũ mani yãke kɛ á gↄrↄa. Bee tó ò òárɛ, áni síro.

⁴²Kũ Pↄlu kũ Baanabao tɛn bↄtɛ aduakɛkpɛn, ò wɛ́ kɛ̀ḿma ò ɛra ò su yã pì ońnɛ kámmabogↄrↄ làa dↄ.

⁴³Kũ òtɛn fãkↄ̃a, Yudanↄ kũ gbɛ̃ kũ òdi donyĩ kɛ kũńwonↄ bò ò tɛ̀ Pↄlu kũ Baanabaooi dasi. Ò yã òńnɛ ò lɛ́ dàḿma, de ògↄ̃ gɛ́ arɛ kũ gbɛ̃kɛ kũ Luda kɛ̀ńnɛo.

⁴⁴Kámmabogↄrↄ làa wɛ̃tɛdenↄ kàkara ń pínki ò sù Dikiri yã ma.

⁴⁵Kũ Yudanↄ pari è lɛ, ò nɛ̀sɛgↄ̃baa kpà manamana, akũ òtɛn Pↄlu yã ɛ́kɛ bo òtɛni a sↄ̃sↄ̃.

⁴⁶Akũ Pↄlu kũ Baanabao yã òńnɛ kũ swɛ̃̀gbãnao ò pì: Ákↄ̃nↄn à kũ̀ ò Luda yã oárɛ káaku gĩa. Zaakũ a gii átɛn da ádi ká à wɛ̃̀ndi kũ àdi lákaro lero, óni ɛra ò arɛ dↄ buri pãndenↄa sà.

⁴⁷Zaakũ Dikiri yã dí dìtɛwɛrɛ à pì: Ma n ditɛ gupura ũ buri pãndenↄnɛ, de ǹ gɛ́ kũ surabana yão ari zĩtɛ lɛ́a.

⁴⁸Kũ buri pãndenↄ yã pìi mà, ń pↄ kɛ̀ nna ò bɛ̀ɛrɛɛ lì Dikiri yãnɛ, akũ gbɛ̃ kũ Luda ń dítɛ wɛ̃̀ndi kũ àdi lákaro pↄ́ ũnↄ Yesu náani kɛ̀.