Yuhanna 4:25-33

²⁵Ayal uninggha: — Mesihning, yeni «Xristos» dégenning kélidighanliqini bilimen. U kelgende, bizge hemme ishlarni éytip béridu — dédi.

²⁶Eysa uninggha: — Sen bilen sözlishiwatquchi men del shudurmen! — dédi.

²⁷Shu chaghda uning muxlisliri qaytip keldi. Ular uning bir ayal bilen sözlishiwatqanliqigha hang-tang qélishti; lékin héchqaysisi uningdin: «Uningdin néme izdeysen?» yaki «Némishqa uning bilen sözlishisen?» depmu sorimidi.

²⁸Shuning bilen ayal kozisini tashlap qoyup, sheherge qaytip bérip, kishilerge:

²⁹— Yürünglar, hayatimda qilghanlirimning hemmisini manga éytip bergen bir kishini körüp kélinglar. Ejeba, Mesih shumidu? — dédi.

³⁰Buning bilen xalayiq sheherdin chiqip, Eysaning aldigha kélishti.

³¹Shu ariliqta muxlisliri uninggha: — Ustaz, bir nerse yewalsangchu? — dep ötünüshti.

³²Lékin u ulargha: — Méning siler bilmeydighan bir yémeklikim bar, — dédi.

³³Muxlislar bir-birige: — Ejeba, birsi uninggha yégili bir nerse ekélip bergenmidu? — déyishti.