Yuhanna 3:1-11

¹Won gorko Farisanke biyeteeɗo Nikodemus, gooto e hooreeɓe Yahuudiyankooɓe.

²Oon gorko yehi to Iisaa jemma, wii ɗum: —Moobbo, miɗen anndi a jannginoowo iwruɗo to Laamɗo, sabi fay gooto waawaa waɗude hono kaayɗe ɗe ngaɗataa ɗee so Laamɗo wondaa e mum.

³Iisaa jaabii mo, wii: —Miɗo haalane goonga: fay gooto waawaa yiide Laamu Laamɗo tawee rimtaaka kasen.

⁴Nikodemus wii mo: —Hono mawɗo waawiri rimtireede? Omo waawi naattude e reedu inniiko, o rimtee kasen naa?

⁵Iisaa jaabii: —Miɗo haalane goonga: so wanaa neɗɗo rimtiree ndiyam e Ruuhu so heɓa naatude e Laamu Laamɗo.

⁶Ko ɓii-aadama rimata koo yo ɓii-aadama. Ko Ruuhu oo rimata koo yo ruuhu.

⁷Pati ɗum haayne saabe mi wii ma kinaa ndimte-ɗon kasen.

⁸Henndu ana wibba ɗo muuyiri fuu. Aɗa nana dillere mayru, kaa a anndaa to ndu iwri, a anndaa to ndu yahata. Hono non oon dimraaɗo Ruuhu oo worri.

⁹Nikodemus wii mo: —Hono hen ɗum laatortoo?

¹⁰Iisaa jaabii mo: —Aan, jannginoowo ley Israa'iila oo fuu, a anndaa ɗum naa?

¹¹Miɗo haalane goonga: minen, ko min anndi min kaalata, ko min njii min ceettotoo, kaa onon, on njaɓataa seedaaku amen.