Yuhanna 20:22-28

²²Nde o haalnoo ɗii haalaaji ndee, o fuufi e maɓɓe, o wii: —Njaɓɓee Ruuhu Ceniiɗo!

²³Mo njaafi-ɗon luutti mum, yaafaama ɗi, mo on njaafaaki luutti mum, yaafataake.

²⁴Kaa Tomaa noddirteeɗo Funeeru, gooto e sappo e ɗiɗon ɓee, walaano ɗon nde Iisaa ɓanngunoo hakkunde maɓɓe ndee.

²⁵Taalibaaɓe ɓee mbii mo: —Min njii Moobbo men! O jaabii ɓe: —So mi yiyaali batte tontanɗe ɗee e nebbe makko, mi waɗa feɗeendu am e majje, mi waɗa junngo am e wuttuldu makko, abada mi goonɗintaa.

²⁶Yontere wootere caggal mum, taalibaaɓe ɓee kawriti kasen. Tomaa ana wondi e maɓɓe. Baafe ɗee fuu ana cokii. Iisaa ɓanngi, darii hakkunde maɓɓe, wii: —Onon e jam!

²⁷O wii Tomaa: —Waddu ɗoo feɗeendu maa, ƴeew juuɗe am, waddu junngo maa, waɗu ngo e wuttuldu am. Sel sikkitaade, goonɗin tan.

²⁸Tomaa jaabii, wii mo: —Joomiraaɗo am, Laamɗo am.