Yuhaana 5:27-35

²⁷O hokkii mo baawɗe hiitaago, gam o laati nun Ɓii neɗɗo.

²⁸To ɗum haaynoo on. Wakkati waran, de maayɓe wonuɓe der caabeeje nanata daane makko,

²⁹ɓe burtoo. Waɗuɓe ko wooɗi, finta, heɓa yonki, waɗuɓe ko halli finta, hiitee.»

³⁰«Min e hoore am, walaa fu ko baawumi waɗugo. Ko nanumi, kiitortoomi. Kiita am e foonnitii, gam mi tokkataa sago am, sago lilɗo am nun tokkumi.

³¹To mi seedanike hoore am, seedaaku am nootataake.

³²E woodi goɗɗo ceedantooɗo am. Mii anni seedaaku makko, ko o seedantoo am laati nun gooŋa.

³³Onon, on lilii himɓe to Yuhaana, o seedike gooŋa.

³⁴Min, mi bukaaka seedaaku neɗɗo, amma mi batii ka gam kison.

³⁵Yuhaana laatike fitilla kuɓɓoowa, jaaynoowa. On jaɓii welweltugo wakkati seɗɗa e jayŋol makko.