Yowan 9:27-33

²⁷Titoru nen, motong la iraua torungu kidi. Iyei ne, “Awete pang a kalongo koote. E nga yelei a lomim be kalongo mulu nga? Ang nga o lomim be kayei ben di galiunu lapau, too?”

²⁸Tool tani in iwete nen, le nga di Paresi tina ngan katedi malmal le tiwete panga nen, “Ong in la kuyei tool tani in galiunu i. Bong am nga Mose di galiunu.

²⁹Inbe am nga lomam galanga nen, betanga yo Mose ikap, ngan Maro iwete kes panga. Bong tool in, lomam galanga ye ni yo ipa ye, in tiap.”

³⁰Motong la tool tani in iraua betanga kidi nen, “Tool ni la iyei matak nga le irere mulu i. E, nookoot nga kawete gogomim a kawete be lomim galanga ye ni yo ipa ye, in tiap.

³¹Idi nga lod galanga nen, Maro in ke be ilongo betanga ke di tooltool yo ke yeingi noonoo, ngan tiap. Bong ya in ole ilongo betanga ke tool yo isung panga, inbe itoo dada le imot yo Maro lono be itoo nga.

³²Ngan mukot yege ni le se nookoot nga, ngan talongo touo gasanga ke tool sa be iyeie tool atu yo tinana ipasuiu ngan matan kis in le matan rere, ngan tiap.

³³Le kumata be tool i Maro iwanga la isi ngan tiap nga, ngan matin nga le iyei so yo nen, nga tiap.”