Yowan 7:38-48

³⁸adaanan. *Ulibra wi Naşibaţi uji : “Meel mnŧum manjaaŋ manwul ubida manluŋ kado kapënna ţi a ji ukumpëş.” »

³⁹Yeŧu aţiiniyaan ţiiniyaan wal mënţ Uhaaş wi Naşibaţi wi banfiyaaruluŋ bawooŋ biki kabi kayeenk. Naşibaţi aandobi wul Uhaaşul wal mënţ ţiki aando bi dëman Yeŧu.

⁴⁰Bañaaŋ baloŋ ţi pnŧuk, wi baŧiinkuŋ uko wi Yeŧu ajakuŋ aşë ji : « Na manjoonan ñaaŋ i awooŋ *Naţupar Naşibaţi! »

⁴¹Baloŋ baji : « Awo *Kriŧtu! » Kë baloŋ bakji : « Kriŧtu awo i kapënna *Galilay i?

⁴²Baampiiŧ ţi *Ulibra wi Naşibaţi aji Kriŧtu awo i pntaali pi *Dayiţ kapënna Betleyem ubeeka wi Dayiţ i? »

⁴³Wal mënţ kë bañaaŋ başë wo ţi plaţar ţi uko wi Yeŧu.

⁴⁴Baloŋ ţi baka baŋal pmoba, kë nin aloŋ aşë wo aampafa paf kañen.

⁴⁵Bayeŋ bakak du baţeŋan baweek na bafariŧay, kë bukuŋ başë hepar baka uko unkayi kë baanţij Yeŧu.

⁴⁶Kë baŧeem baka aji : « Nin ñaaŋ aambaaŋ kaţiiniyaara ji a. »

⁴⁷Kë bafariŧay başë ji na baka : « Naŋal kaji aguuran an kak?

⁴⁸Aloŋ ţi baweek biki nja këme ţi bafariŧay afiyaara i?