Yowan 3:6-10

⁶Ngan so yo di tooltool ke tana tiyeii a pombe i, in so ke tana, bong so yo Maro Amunu Silene iyeii a pombe i, in so ke Maro Amunu.

⁷Le kin kutakrai ye betanga yo aweta pong be kuportaka lom le kuyei ben tool paunu mulu, ngan be.

⁸Awete pong nen, muru i be ipa nga, ngan ole ipa pang ye ni yo be ipa pang ye i. Ngan ole kulongo mununu, bong o ke be lom galanga ye ni yo ipa ye a iman i, too ye ni yo be ila pang ye i, in tiap. Ngan dada gaongo leu, ye urata yo Maro Amunu Silene iyeii ye di tooltool a be iportaka lodi le tiyei ben di tooltool paunu mulu nga.”

⁹Ngan tina Yesu iwete nen nga, le nga Nikodimas itoru. Iyei ne, “Ai, so yo kuwetewete ye nga, ngan ole pombe belei?”

¹⁰Motong la Yesu iraua betanga ki nen, “Ong i pannoongoo, inbe em mai ye di pannoongoo kapala yo ke di Isrel nga. E nga yelei a lom galanga ye so nga tiap nga?